«Մի շարք ուժեր ընտրությունների հանգամանքն առաջարկում էին օգտագործել՝ որպես էսկալացիա». Նիկոլ Փաշինյան

Վարչապետ Փաշինյանն այսօր ԱԺ-ում հարցուպատասխանի ժամանակ անդրադարձավ «Իմ քայլի» տարածած վերջին հայտարարությանը, որով իշխանությունը հայտնում էր, որ արտահերթ խորհրդարանական ընտրությունների անհրաժեշտություն չկա:

Փաշինյանը հայտարարեց, որ խորհրդարանական ընդդիմադիր ուժերը չեն ցանկացել արտահերթ ընտրություններ, ուստի իշխանությունը հայտարարել է, որ այդ դեպքում իրենք կշարունակեն առաջնորդվել իրենց հրապարակած ճանապարային քարտեզով:

«Մենք արտահերթ ընտրությունների առաջարկ անում էինք, պայամանականորեն ասած, որպես հանգուցալուծում, բայց մի շարք ուժեր խորհրդարանական ընտրությունների հանգամանքն առաջարկում էին օգտագործել՝ որպես էսկալացիա և ապակայունացնող գործոն: Նախորդ նիստին նաև հարցեր էին հնչում, թե կառավարությունը չի վստահում «Իմ քայլը» խմակցությանը և ամենատարբեր շահարկումներն էին տեղի ունենում: Մենք արձանագրեցինք, որ կա ամուր խորհրդարանական մեծամասնություն, և մենք շարունակում ենք հրապարակված ճանապարհային քարտեզի իրագործումը: Ինչպես նախապես հայտարարվել է՝ այդ քարտեզի իրագործման արդյունքները ամփոփելով՝ կկայացնենք որոշում նաև հետագա անելիքների վերաբերյալ»,- ասաց Փաշինյանը: