«Խաղ ու պա՞ր ա, ի՞նչ ա». Տիգրան Ավինյանը՝ Փաշինյանի հրաժարականի պահանջի մասին

Այսօրվա ԱԺ-Կառավարություն հարցուպատասխանի ժամանակ ևս հնչեց Նիկոլ Փաշինյանի հրաժարականի հարցը, որն այս անգամ բարձրացրեց ԼՀԿ-ական Գևորգ Գորգիսյանը: Հարցին, սակայն, պատասխանեց փոխվարչապետ Ավինյանը՝ հայտարարելով, որ իրենք պատրաստ էին արտահերթ ընտրությունների, սակայն ընդդիմությունը դա չցանկացավ, ուստի իրենք առաջնորդվելու են իրենց առաջարկած ճանապարհային քարտեզով:

«Խաղ ու պա՞ր ա, ի՞նչ ա. մենք մեր համա՞ր պիտի էդ փոփոխություններն անենք»,- ասաց Ավինյանը:

Գորգիսյանը տեղից ընդհատեց նրան, ինչին Ավինյանն ասաց. «Լավ էլի, պարո՛ն Գորգիսյան, ի՞նչ եք խոսում: Լա՛վ, էս բոլոր խոսակցություններն արդեն հոգնեցուցիչ են, հասարակության համար էլ են հոգնեցուցիչ: Կարծում եմ, մենք արդեն պետք է շարժվենք էն ճանապարհային քարտեզով, որը վարչապետն ա հրապարակել: Դրա ամփոփումից ելնելով էլ նոր խորհրդակցություններ կսկսենք»,- հայտարարեց Ավինյանը: