«Այսօր Արցախի Մարտունու շրջանում էինք». Արման Ղարիբյան

«Իրավունքի ուժը» ՀԿ համահիմնադիր Արման Ղարիբյանը ֆեյսբուքյան իր էջում գրել է. «Այսօր Մարտունու շրջանում էինք, քաղաքը գերակտիվ էր, բայց մարդկանց տրամադրությունը բարձր չէր։ Հուսադրող էին դպրոցից տուն վերադարձող փոքրիկների քանակն ու նրանց ժպիտները։
Շրջանում շարունակում են վերակառուցել վնասված տները (մոտ 1300)։ Իսկ Կարմիր շուկա գյուղում նախատեսված է 100 նոր տուն կառուցել՝ ներքին տեղահանվածներին տնով ապահովելու համար։ Սակայն այստեղ և Թաղավարդում գյուղացիք վարելահողեր են կորցրել, որը ծանր հարված կհասցնի նրանց եկամուտին։
Թաղավարդը առհասարակ կիսավել է, գյուղի եկեղեցին ու գերեզմաններն անցել են ադրբեջանական վերահսկողության ներքո»։