«Ռուսը մեր հայրենիքը մասնատում ու թուրքին է նվիրում, սակայն ռուսից էլի ձեռք չենք քաշում». Մարատ Բաղդասարյան

ՀՀ ԿԱ ԱԳ Կադաստրի պետական կոմիտեի բաժնի պետ Մարատ Բաղդասարյանը ֆեյսբուքյան իր էջում գրել է. «Հայերի ռուսամոլությանն ինձ մի գիտափորձ հիշեցրեց։ Ամերիկյան գիտնականները տարիներ առաջ, մի գիտափորձի շրջանակներում, առնետներին բաց էին թողնում մի տարածքում, որի պատերից մեկում իրար հարևանությամբ երկու անցք էր բացված։ Անցքերից մեկը ներսից ուժեղ լուսավորված էր, իսկ մյուսում էլեկտրական հոսանքի բաց լարեր էին։ Առնետները բնականաբար վազում էին դեպի մութ խուցը, որտեղ նրանց էլեկտրական հոսանքով մի լավ տանջում էին։ Գիտափորձն այնքան էին կրկնում, մինչեւ առնետները բնազդաբար սկսում էին վազել դեպի լուսավոր խուցը։ Փորձերը ցույց տվեցին, որ որոշակի ցիկլերից հետո նրանց սերունդները նույնպես սկսում էին նախընտրել լուսավոր խուցը։ Լավ, հարց է ծագում, մի առնետի չափ էլ չկանք, որ ռուսը դարեր շարունակ մեզ տանջում, կողոպտում, թալանում է, մեր Հայրենիքը մասնատում ու թուրքին է նվիրում, սակայն ռուսից էլի ձեռք չենք քաշում։ Մինչև ե՞րբ պետք է այս հիմար վիճակը շարունակվի»։