Հայտնի է ընդդիմության՝ այսօրվա հանրահավաքի մասնակիցների քանակը

«Իրազեկ քաղաքացիների միավորման» հաղորդագրությունը փետրվարի 12-ի հանրահավաքի մասնակիցների քանակի վերաբերյալ. «Այսօր՝ փետրվարի 12-ին, Երևանի Ազատության հրապարակում տեղի ունեցավ Նիկոլ Փաշինյանի հրաժարականը պահանջող ընդդիմության վարչապետի միասնական թեկնածու Վազգեն Մանուկյանի հրավիրած հավաքը։ Հավաքը մեկնարկել է ժամը 15։00-ից։

«Իրազեկ քաղաքացիների միավորումը» աերոնկարահանման միջոցով իրականացրել է հավաքի մասնակիցների հաշվարկ, որի արդյունքում պարզվել է, որ 15։37-ի դրությամբ Ազատության հրապարակի այն հատվածում, որտեղ անցկացվում էր հավաքը, գտնվել է 1800 մարդ։

Հաշվարկն իրականացվել է մասնակիցների անհատական հաշվարկի միջոցով»,- ասված է հաղորդագրությունում: