«Չեն կարա, խելքները չի հասնում». Ծառուկյանը՝ իշխանության գործունեության մասին

«Բարգավաճ Հայաստան» կուսակցության ղեկավար Գագիկ Ծառուկյանն այսօր «Հրապարակ TV»-ի եթերում հայտարարել է, որ քանի դեռ իշխանության է «Իմ քայլը»՝ Նիկոլ Փաշինյանի գլխավորությամբ, ՀՀ-ում նոր ներդրողներ չեն լինի արտերկրից:

«Ես առաջին օրվանից եմ ասել, որ այդ անփորձ երիտասարդները չեն տիրապետում: Գիտեք, կարևորը ոչ թե անգիր արած խոսքերն են, ժողովրդի աչքին թոզ փչելը, այլ մարդը պետք է անցած ճանապարհ ունենա, քարը քարին դրած լինի: Անփորձ, պրակտիկա չունեցող, արդյունք ցույց չտված մարդը ո՞նց կարող է»,- ասել է Ծառուկյանը:

Նրա խոսքով՝ հետպատերազմյան Հայաստանում քաղաքացիները բազմաթիվ խնդիրներ ունեն՝ սկսած վարկերից և ապրուստի միջոցներ փնտրելուց: Ըստ Ծառուկյանի՝ ներկայիս իշխանությունն ունակ չէ այդ խնդիրները լուծելու. «Չեն կարա, խելքները չի հասնում, որովհետև էդ մարդիկ փորձ չունեն: Էսօր էդ փորձարկումները չպիտի ժողովրդի վրա անեն: Պիտի այնպիսի ծրագրեր լինեն, որ մարդը տեսնի, որ այդ քայլը կատարվում ա, իրավիճակը լավանում ա»,- ասել է ԲՀԿ ղեկավարը:

Մանրամասները՝ տեսանյութում: