«Ռուսաստանը կարողացավ ոտքը դնել Հարավային Կովկաս, որը գրեթե հավասարազոր էր Ղրիմը միացնելուն». Վարդան Բոստանջյան

«Քաղաքական առումով ոսկերչական մի գործողություն տեղի ունեցավ. Ռուսաստանը կարողացավ ոտքը դնել Հարավային Կովկաս: Դա գրեթե հավասարազոր էր Ղրիմը միացնելուն»,- այսօր մամուլի ասուլիսի ժամանակ անդրադառնալով պատերազից հետո Ռուսաստանի՝ ԼՂ-ում դերակատարությանը, ասաց տնտեսագետ Վարդան Բոստանջյանը:

Նրա համոզմամբ՝ ՌԴ-ը գոնե առայժմ հակված չէ Թուրքիայի հետ ընդհարման մեջ մտնելու:

Անդրադառնալով Ադրբեջանի և Թուրքիայի հարաբերություններին՝ Բոստանջյանն ասաց. «Մենք չենք ուզում ուշադրություն կենտրոնացնել այն հանգամանքի վրա, որ Արդբեջանի նախագահը կնոջը բնորոշ ձևով աջից-ձախից ուզում էր Էրդողանին համբուրեր: Իսկ Էրդողանը, տղամարդ լինելով հանդերձ, չէր կարող նման մոտեցումն ընդունել, և Ալիևը հասկացավ, որ պատերազմից հետո Թուրքիայի նախագահը շուտափույթ կերպով կշպրտի իրեն: Ժամանակ շահելու համար Ռուսաստանին խնդրեց, թե՝ եկեք-մտեք, և Ռուսատանը կատարեց իր համար ամենակարևոր գործը»,- նշեց Բոստանջյանը: