«Ասում են՝ 88-ի երկրաշարժից հետո այսօրվանն ամենաուժեղն էր». Վահան Թումասյան

264

Շաբաթ, 13 փետրվարի, 2021 թ., 21:35

«Շիրակ կենտրոն» ՀԿ նախագահ Վահան Թումասյանը ֆեյսբուքյան իր էջում գրել է. «Ասում են, որ 1988-ի երկրաշարժից հետո այսօրվանն ամենաուժեղն էր:
Առհասարակ, եթե շատ հեռուն անգամ չգնանք և ընդամենը մեր վերջին 100 տարվա պատմության կտրվածքով դիտենք, ապա պարտադրված ենք համաձայնելու, որ Հայաստանում պատերազմներին և ազգային ողբերգություններին հաջորդում են երկրաշարժերը:
1915-1920 թվականների ազգային ողբերգություններին և պատերազմներին հաջորդեց 1926 թվականի երկրաշարժը, որը հսկայածաավալ ավերվածություններ և զոհեր պատճառեց Կարսի տասնյակ և Շիրակի 44 գյուղերում, որից 9-ը կործանվել են ամբողջությամբ և մեծ ավերվածություններ Լենինականում:
1988-ի Արցախյան պատերազմը նոր-նոր էր սկսվել, երբ տեղի ունեցավ Սպիտակի, ամենակործանարար երկրաշարժը, որի հետևանքներն ու վերքերը դեռևս թարմ են:
2020 թվականի Արցախյան պատերազմ, պարտություն և հազարավոր զոհեր..., այսօր էլ այս երկրաշարժը:
Ես պատմաբան չեմ, բայց, կարծում եմ, Անիի և Հայոց աշխարհում տեղի ունեցած մյուս երկրաշարժերը ևս հաջորդած կլինեն պատերազմներին:
Ռուսը մի խոսք ունի, իրոք որ. «զակոն պոդլստի»»: