«Հիմա էլ սյունեցուն եք ֆետիշացրել». Սամսոն Գրիգորյան

«Կասեցում» քաղաքացիական շարժման ղեկավար, գործարար Սամսոն Գրիգորյանը ֆեյսբուքյան իր էջում գրել է. «Բա չիմացաք, հիմա էլ սյունեցուն եք այնքան ֆետիշացրել՝ արցախցուն տվեցիք անցաք։

Արդեն քանի տեղ հանդիպում եմ նման քոմենթների, որ սյունեցին իր հողը կպահի և այլ վախկոտ մարզերի զինվորների կարիքը չունի, հալալա սյունեցիներին, բա չէ մյուսների պես, սյունեցիք բոլորից հզոր են և այլն։

Իսկ ամենածիծաղելին այն էր, որ Սյունիքի դիրքերի մեր տեսանյութերի տակ էլ են նման բաներ գրում, այն դեպքում, երբ այդ դիրքերի անձնակազմի միայն 5 տոկոսն է սյունեցի։
Ոչ ոք իրավունք չունի էս ազգն ու երկիրը մասերի բաժանի, ոչ ոք իրավունք չունի իր մարզն իրենը համարել ու մյուսների հետ հեգնանքով խոսել, ոչ ոք իրավունք չունի հային տեսակավորել, ըստ բնակության վայրի, և դրանով որակավորել։

Մի եղեք անասուն, եղեք լավ հայ, լավ եզդի, լավ մարդ, լավ հայաստանցի և այլն՝ այդքանը բավական է»։