«Եթե հետևողական չլինեի, մահվան վկայական էին ուզում հանել». կայացավ ապօրինի որդեգրման գործով նիստը

«Իմ երեխային վերցրել են և ապօրինաբար վաճառել են: Ես շարունակում եմ պնդել, որ վաճառել են»,- ապօրինի որդեգրման գործով նիստից հետո հայտարարեց տուժող Սյուզաննա Պատվականյանը:

«Նույնիսկ Ռազմիկ Աբրահամյանն ուզում էր երեխայիս մահվան վկայական հաներ: Եթե հետևողական չլինեի դատական պրոցեսներին, մահվան վկայական էին ուզում հանեին: Ես մինչև հիմա կմտածեի՝ երեխաս մահացել է, բայց քանի որ գիշերվա հերթապահ բուժքույրն ինձ ցույց է տվել իմ երեխային, դրա համար ես գիտեմ՝ իմ երեխան ողջ է և որդեգրված է»,- ասաց Սուզաննա Պատվականյանը, ում պնդմամբ՝ իր երեխային տարիներ առաջ վաճառել են:

Նա նշեց, որ գնալու է մինչև վերջ. «Եթե Հայաստանի դատական մարմիններն իմ իրավունքները ոտնահարեն, ես դիմելու եմ Եվրոպական դատարան»,- ասաց Ս. Պատվականյանը:

Մոր խոսքով, վաղը իր դուստրը կդառնա 21 տարեկան:

Հիշեցնենք՝ ՀՀ վերաքննիչ քրեական դատարանում դատավոր Ն. Հովակիմյանի նախագահությամբ այսօր շարունակվում է Սուզաննա Պատվականյանի բողոքն ընդդեմ Ռազմիկ Աբրահամյանի, բժիշկ Արշակ Ջերջերյանի, մանկավաճառության կազմակերպված հանցախմբի գործունեության հովանավորողներ քննչական, դատախազական և դատական համակարգերի։