«Այդ կապիտուլյանտը չի պատռել Ալիևի նամակը, այլ ասել է՝ շատ լավ». Սերժ Սարգսյան

ՀՀ 3-րդ նախագահ Սերժ Սարգսյանն «Արմնյուզ» հեռուստաընկերության եթերում հայտնել է, որ չի բացառում, որ իր հետնորդին՝ Նիկոլ Փաշինյանին ևս առաջարկվել է գումարի դիմաց Արցախը հանձնելու տարբերակը:

«Չեմ կարող բացառել, համենայնդեպս հայտնի է դարձել, որ Ալիևը և կապիտուլյանտը գաղտնի բանակցությւոններ են ունեցել: Հայտնի է նաև, թե ովքեր էին վարում այդ բանակցությունները: Հայտնի է, որ նամակ է հանձնվել կապիտուլյանտին և նա այդ նամակը չի պատռել, չի ասել՝ էստեղ անընդունելի բաներ կա, այլ ասել է՝ շատ լավ: Ես չեմ կարող սա պնդել, չեմ էլ կարող ժխտել, բայց իրադարձությունների զարգացումը ամբողջական իրավունք է տալիս յուրաքանչյուրին ողջամիտ կասկած ունենալ: Սխալների այն շարանը, որ տեղի ունեցավ կա՛մ միտումնավոր էր, կա՛մ դավադրություն էր, կա՛մ ծայրաստիճան տգիտություն»,- ասաց Սարգսյանը՝ հայտարարելով, որ որպեսզի հասկանանք ճշմարտությունը պետք է իրականացվի օբյեկտիվ քննություն: