«Ցանկանում է ներքին հասարակությանն ի ցույց դնել, որ կարող է անգամ Հայաստանի փոխարեն որոշել». Կարեն Հովհաննիսյան

«Հայոց հզոր բանակ» ՀԿ հիմնադիր Կարեն Հովհաննիսյանը ֆեյսբուքյան իր էջում գրել է. «Ալիևը շարունակում է վարել հայատյաց քաղաքականություն։ Բաքվի բռնապետը իր խոսքով քարոզում և խթանում է հայատյացությունը, նա փորձում է հնարավորինս երկար պահել հաղթանակի էյֆորիան։ Հաճախակի այցերն օկուպացված տարածքներ խոսում է նրա մասին, որ Բաքվի բռնապետն այսօր միայն այդ կերպ կարող է իր հասարակությանը հետ պահել այն մտքից, որ չեն հաղթել։ Անընդհատ նոր կադրեր հրապարակելով նա թարմացնում է հաղթանակի էյֆորան։ Տեխնոլգիաները, որոնք կիրառում է Բաքվի բռնապետը, հատուկ են իշխանությունը կորցնելու վտանգը մշտապես գլխին կախված բռնապետներին։
Այցերը համեմելով Հայերի հասցեին վիրավորական արտահայտություններով, միևնույն ժամանակ խոսելով դեպի Նախիջևան ցամաքային կապի մասին, ցանկանում է ներքին հասարակությանն ի ցույց դնել, որ անգամ կարող է Հայաստանի փոխարեն որոշել, թե երբ կարող է բացել ճանապարհ դեպի Նախիջևան։ Այսքան բարձր թռչող բռնապետի անկումը շատ ցավոտ է լինելու Ադրբեջանի համար։ Մեզ մնում է, որ այդ ընթացքում ավելի ուժեղ ցավացնենք»: