«Կարծում եմ, երբ Նիկոլը հրաժարական տա՝ նույն ցնծությունը կլինի, ինչ Սերժ Սարգսյանի հրաժարականի ժամանակ»․ Վ․ Մանուկյան

Մարդիկ արտագաղթում են․ Ձեր կառավարության գալու պարագայում, ինչպե՞ս եք դեմն առնելու, որպեսզի նրանք չհեռանան, և այստեղ կարողանան ինչ-որ չափով իրենց ապրուստը հոգալ․ Ազատության հրապարակում քաղաքացու այս հարցին «Հայրենիքի փրկության շարժման» վարչապետի թեկնածու Վազգեն Մանուկյանը նկատեց, որ գնացող մարդիկ աշխատատեղ չունեն և նախորդ տարիներին նույնպես գնացել են։ «Նրանք հիմա հույսը կորցրել են, որ այս երկիրն ապագա ունի։ Ես կարծում եմ, որ երբ Նիկոլը հրաժարական տա՝ նույն ցնծությունը կլինի Երևանում, ինչ Սերժ Սարգսյանի հրաժարականի ժամանակ։ Ժողովրդի մոտ կարթնանա լավատեսությունը, և ապագա իշխանությունից է կախված, թե ինքն ինչ քայլեր կանի։ Այդ քայլերի արդյունքն, իհարկե, միանգամից չի երևալու։ Կարծում եմ՝ մարդիկ, եթե հավատ ունեն՝ մի քիչ էլ կսպասեն, մինչև որ այդ ծրագրերն իրականանան»,- նշեց նա։

Վ․ Մանուկյանը մտավախություն հայտնեց, որ սահմանները բացելու դեպքում, շատ մարդ կհեռանա հայրենիքից՝ ոչ միայն աշխատանք չունենալու, այլ նաև՝ անհուսության պատճառով։