«Բոլորիս համար անակնկալ էր». Արման Աբովյան

Այսօր՝ լրագրողների հետ ճեպազրուցյում, ԲՀԿ-ական պատգամավոր Արման Աբովյանն անդրադարձավ Գևորգ Պետրոսյանի՝ «Բարգավաճ Հայաստան» խմբակցությունը լքելուն: Հարցին, թե ի՞նչ ասաց Գագիկ Ծառուկյանը՝ իմանալով Գևորգ Պետրոսյանի որոշման մասին, Արման Աբովյանն աձագանքեց, որ բոլորի համար անակնկալ է եղել: Հարցին, թե Գագիկ Ծառուկյա՞նն է հորդորել Գևորգ Պետրոսյանին լքել խմբակցությունը, Աբովյանը հերքեց:

«Ոչ մի հորդոր չի եղել, դա պարոն Պետրոսյանի սուվերեն որոշումն է եղել»,- նշեց պատգամավորը:

Միքայել Մելքումյանի և Նաիրա Զոհրաբյանի՝ խմբակցությունը հաջորդիվ լքելու լուրերին անդրադառնալով՝ Արման Աբովյանը դրանք որակեց զավեշտալի:

Երեկ հայտնել էինք, որ Գևորգ Պետրոսյանը դուրս է եկել ԲՀԿ-ից: