«Թուրքիան պետք է հարվածի ԱՄՆ-ի կողմից Սիրիայի քրդերին ուղարկվող բեռնատարներին». թուրք գեներալ
![]() 256 Հինգշաբթի, 18 փետրվարի, 2021 թ., 22:30 Թուրքիայի զինված ուժերի գլխավոր շտաբի հետախուզության վարչության նախկին ղեկավար, գեներալ-լեյտենանտ Իսմայիլ Հաքքը Փեքինը հայտարարել է, որ Թուրքիան պետք է հարվածի ԱՄՆ-ի կողմից Սիրիայի քրդական «Ժողովրդավարական միություն» կուսակցությանը (PYD) ուղվարկվող բեռնատարների վրա: «Իսրայելը հարձակումներ է իրականացնում Իրանի, Իրաքի և Լիբանանի վրա: Ինքնաթիռներ օդ բարձրացնելով, հարվածում է Իրանի թիրախներին, ապրանքափոխադրող մեքենաներին և պահեստներին», ասել է նա և հավելել, որ նույնը կարող է անել նաև Թուրքիան: Փեքինի պնդմամբ՝ Թուրքիան կարող է Սիրիայի քրդերի թիրախներին խոցել այն պատճառով, որ իր երկիրը պայքարում է ահաբեկչության դեմ: Բացի այդ, նրա դիտարկմամբ, «ողջ աշխարհը գիտի, որ Սիրիայում քրդական «Ժողովրդական ինքնապաշտպանական ջոկատները» (YPG, խմբ.՝ PYD-ի ռազմական թևը) հարձակումներ են իրականացնում Թուրքիայի դեմ»: «Որտեղից որ սպառնալիք է գալիս, Իսրայելը հարվածում է: Մենք էլ (Թուրքիան-խմբ.) կարող ենք հարվածել իրենց (PYD/YPG- խմբ.) բեռնատարներին»,- ասել է գեներալը: Փեքինը բեասսդֆգհյկլ;՛րելով Իսրայելի օրինակը, փորձել է լեգիտիմացնել Թուրքիայի հնարավոր նոր քայլերը Սիրիայում, գրում է Ermenihaber-ը: Ինչպես հայտնի է, թուրքական իշխանությունները PYD/YPG-ն նույնացնում են Թուրքիայում ահաբեկչական համարվող «Քուրդստանի բանվորական» կուսացության (PKK-ՔԲԿ) հետ: Նշենք, որ ԱՄՆ-ի կողմից PYD-ին ցուցաբերվող «օգնությունը» թուրք-ամերիկյան հարաբերություններում առկա խնդիրներից մեկն է: |

Անդրանիկ Թևանյանին տեղափոխում են ՔԿ
4311:00
Ոստիկանությունը զգուշացրեց՝ հատուկ միջոցներ կկիրառի. իրավիճակը լարվեց (տեսանյութ)
6510:54
Կառավարության շենքի մոտ՝ այս պահին (տեսանյութ)
7610:42
«Նիկոլը Ադրբեջանի ներկայացուցիչն է Հայաստանում»․ Վազգեն Մանուկյան
8310:36
«Ժողովրդի ճնշող մեծամասնությունը Նիկոլին դեմ է». Վազգեն Մանուկյան
7010:30
Վազգեն Մանուկյանը՝ այսօրվա գործողությունների մասին (տեսանյութ)
9010:24
Երևանի փողոցներից հավաքում են նստարանները (տեսանյութ)
11510:06
Ոստիկանությունը մեծաթիվ ուժեր է կենտրոնացրել Կառավարության շենքի մոտ (տեսանյութ)
14309:36
