«Վաղվա հանրահավաքը լինելու է շատ ավելի մարդաշատ». Հովհաննես Սահակյան

ՀՀԿ-ական նախկին պատգամավոր Հովհաննես Սահակյանն այսօր մամուլի ասուլիսի ժամանակ անդրադարձավ ՀՀ վարչապետ Նիկոլ Փաշինյանի՝ պատերազմից հետո հնչեցրած աղմկահարույց հայտարարություններին:

«Ա՛յ հողատու, օրինակ, ինչի հիման վրա ես ասում, որ Շուշին դժգույն և դժբախտ քաղաք է: Շուշիում երբևէ եղած մարդը կարո՞ղ է էդպես մատծել, վստահ եմ՝ ոչ: Մարդիկ ստախոսության և ցինզմի բոլոր հորիզոնները հատել են»,- ասաց նա՝ հավելելով, որ այն ներդրումները, որոնք Շուշիում են կատարվել, անգամ Ստեփանակերտում չեն եղել:

Անդրադառնալով «Հայրենիքի փրկության շարժման» վաղվա հանրահավաքին՝ քաղաքական գործիչը հայտարարեց, որ այն լինելու է մարդաշատ. «Հանրահավաքը լինելու է շատ ավելի մարդաշատ, որովհետև երբ թիվ մեկ մեղավորը մանիպուլացնում էր մեր ժողովրդին՝ խոսելով արահերթ ընտրությունների մասին, մարդիկ հասկանում են, որ սրանք փորձում են աթոռներին կառչած իրենց իշխանությունը երկարացնել, որ չհայտնվեն այլ վայրում»: