Հինգշաբթի, 19 նոյեմբերի, 2026 թ.
|
Ստեփանակերտում`   +7 °C

Իգոր Մուրադյանին և Վիգեն Շիրինյանին հետմահու «Արցախի հերոս» կոչում է շնորհվել

Իգոր Մուրադյանին և Վիգեն Շիրինյանին հետմահու «Արցախի հերոս» կոչում է շնորհվել
309
Ուրբաթ, 19 փետրվարի, 2021 թ., 19:20

ԱՀ նախագահ Արայիկ Հարությունյանը հայտնում է․ «Հարգելի՛ հայրենակիցներ
Արցախյան շարժումն իր բնույթով ու բովանդակությամբ կարելի է բաժանել մի քանի փուլերի՝ սկսած քսաներորդ դարի առաջին տասնամյակներից: Այդ մեծ պայքարի թոհուբոհում մենք միշտ ունեցել ենք նվիրյալներ, ովքեր իրենց օրինակով ու վարքով մեր ժողովրդին առաջնորդել են այն ճանապարհով, որը տանում է դեպի ազգային նպատակների իրականացում:
Այդ երախտավորների թվում են Արցախյան ազգային-ազատագրական շարժման առաջամարտիկներ Իգոր Մուրադյանը և Վիգեն Շիրինյանը: Բարձր գնահատելով Հայրենիքին մատուցած նրանց ծառայությունները և ի հավաստումն Շարժման գաղափարներին ու արժեքներին մեր հավատարմության՝ Արցախյան շարժման 33-րդ տարեդարձին ընդառաջ ստորագրել եմ հրամանագրեր՝ Իգոր Մուրադյանին և Վիգեն Շիրինյանին հետմահու «Արցախի հերոս» բարձրագույն կոչում շնորհելու մասին:
Մենք շնորհակալ ենք Արցախյան շարժման բոլոր նվիրյալներին և պարտավոր շարունակել նրանց գործն այս դժվարին պայմաններում»: