«Ինչպես Ադրբեջանը անակնկալի բերեց դրոններով, այնպես էլ մենք պետք է անակնկալի բերենք»․ Կարեն Հովհաննիսյան

Ռազմագետб «Հայոց հզոր բանակ» ՀԿ հիմնադիր Կարեն Հովհաննիսյանը ֆեյսբուքյան իր էջում գրել է. «Դրոններով պատերազմն այլևս նորություն չէ մեզ համար։ Այսօր մենք պետք է պատրաստվենք ոչ թե դրոնային պատերազմի , այլ ավելի առաջ գնացող մտքի պատերազմի։ Ճիշտն ասած՝ այս հարթությունում չեմ ուզում փակագծեր բացել, բայց ռոբոտային պատերազմն այլևս նորարարություն չէ, և չպետք է մենք կենտրոնանաք դրոնների վրա։
Ինչպես Ադրբեջանը մեզ անակնկալի բերեց իր դրոններով, այնպես էլ մենք պետք է անակնկալի բերենք՝ նոր տեխնոլոգիաներ կիրառելով, և պարտադիր չէ, որ այդ տեխնոլոգիաները կիրառված լինեն աշխարհում։
Մեր միտքն ու գաղափարը իշխանությունը պետք է ծառայեցնի այն նպատակին, որ ստեղծենք ապագայի նոր տեխնոլոգիաներով երևույթ, որը պատերազմի ժամանակ, օրինակի համար ոչ թե կկրակի, այլ կխափանի կրակելը․․․ Չեմ ուզում շատ ընդարձակվել, բայց հենց այս ուղղությամբ այսօր մենք պետք է գնանք, ոչ թե ընտրենք կրկին սպառազնիության տեսքով երկաթի կտորներ գնելուն, որի ՕԳԳ-ը խիստ նվազել է պատերազմներում․․․»։