ՀՀ ՊՆ-ն Իրանի դեսպանին է ներկայացրել պատերազմի հետևանքով ստեղծված իրավիճակը

ՀՀ պաշտպանության նախարար Վաղարշակ Հարությունյանն այսօր հանդիպել է Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան Աբբաս Բադախշան Զոհուրիի հետ: Տեղեկությունը հայտնում են ՀՀ ՊՆ մամուլի ծառայությունից։

Նշվում է, որ ՀՀ պաշտպանության նախարարը ներկայացրել է Արցախի դեմ Ադրբեջանի սանձազերծած պատերազմի հետևանքով ստեղծված իրավիճակը:

Հանդիպման ընթացքում կողմերն անդրադարձել են հայ-իրանական բազմակողմ համագործակցությանը վերաբերող, երկկողմ հետաքրքրություն ներկայացնող, ինչպես նաև տարածաշրջանային խնդիրներին ու գործընթացներին առնչվող հարցերի: