«Այս անկումից մենք վերանալու ենք՝ ի վերև ենք ելանելու». Տիգան Պասկևիչյան

Գրող, հրապարակախոս, ռեժիսոր Տիգրան Պասկևիչյանը ֆեյսբուքյան իր էջում գրել է. «Այս անկումից մենք վերանալու ենք։ Վերանալու ենք ոչ թե մեր իմացած իմաստով, այլ՝ Հայկազեան բառարանի ցուցանած, որ «ի վեր եւ ի վերայ ելանել»-ն է։ Այսինքն՝ բարձրանալը։
Իսկ դրա համար, սիրելի ընկերներ, պետք է մեզանից թափ տանք հեղձուցիչ սուտն ու կեղծիքը, թեթեւամիտ երազկոտությունն ու պատրանքապաշտությունը, դատարկամիտ մեծամտությունն ու հպարտությունը։
Այս վերջինն, ի դեպ, Հայկազեան նույն բառարանը ստուգաբանում է որպես «ամբարտաւան, բարձրամիտ, բարձրայօն, փքացեալ, փառասէր, արհամարհոտ»։
Կներեք, վշտացնելու համար։ Շնորհակալություն։