«Բոլորը բոլորի դիմաց» սկզբունքը պետք է պահպանվի». Մարուքյանը հրապարակել է ALDE-ի նախագահի նամակը

ԱԺ «Լուսավոր Հայաստան» խմբակցության ղեկավար Էդմոն Մարուքյանը հայտնել է, ստացել է «Եվրոպայի ազատականների և ժողովրդավարների դաշինքի (ALDE - Եվրոպական խորհրդարանի, Renew Europe - խումբ)» կուսակցության նախագահ Հանս վան Բաալենի պատասխանն իր նամակին՝ կապված հայ գերիների վերադարձման հետ։ «Պարոն Բաալենը գրում է, որ հետևում է գործընթացին և գտնում, որ «բոլորը բոլորի դիմաց» սկզբունքը պետք է պահպանվի՝ կոչ անելով արձակել գերիներին, որպեսզի նրանք կարողանան վերադառնալ տուն։

Նա նաև գտնում է, որ տարածաշրջանում խաղաղության երկխոսությունը պետք է վերսկսվի, ու աջակցություն հայտնում խաղաղություն բերող միջազգային առաքելությունների իրականացմանը՝ կոչ անելով տարածաշրջանի հարևան ուժերին ձեռնպահ մնալ այնպիսի ներգրավումից, որը կարող է բերել բռնության հետագա էսկալացիայի»,- գրել է Մարուքյանը: