«Էս պահից սկսած՝ ակցիաները դադարեցնում ենք». Նիկոլ Փաշինյան

«Այսօրվա առաքելությունն իրականացրեցինք. Հրապարակում արձանագրեցինք ժողովրդի դիրքորոշումը, համենայն դեպս, տասնյակ հազարավոր մեր մասնակիցների դիրքորոշումը և մեր առաջարկը շարունակում է մնալ նույնը՝ ՀՀ նախագահը, կարծում եմ, պետք է ստորագրի ԳՇ պետին ազատելու հրամանագիրը կամ Օնիկ Գասպարյանը դիմում գրի»,- երթի ավարտին հայտարարեց ՀՀ վարչապետ Նիկոլ Փաշինյանը: «Էս պահից սկսած՝ մեր ակցիաները դադարեցնում ենք, նույնն առաջարկում ենք ընդդիմադիր գործընկերներին: Քաղաքական ուժերի ներկայացուցիչներին հրավիրում ենք քննարկումների՝ հետագա անելիքների վերաբերյալ, որի մասին որոշումը պետք է կայացվի ժողովրդի կարծիքը հաշվի առնելով»,- եզրափակեց Փաշինյանը՝ ուղևորվելով Կառավարություն: