«Դա նույնն է, որ միջնորդությունն իրավունքի ուժով մտնի ուժի մեջ». Ռուբեն Հակոբյան

ԱԺ նախկին պատգամավոր Ռուբեն Հակոբյանը ֆեյսբուքյան իր էջում գրել է. «Ըստ շրջանարվող լուրերի, ՀՀ նախագահ Արմեն Սարգսյանը հնարավոր է, որ չստորագրի Օնիկ Սարգսյանին Գլխավոր շտաբի պետի պաշտոնից ազատելու՝ Ն. Փ. միջնորդությունը և, միաժամանակ, առարկություններով այն ետ չվերադարձնի Ն. Փ-ին: Իսկ դա նույն է, եթե նախագահը ստորագրի այն, այսինքն՝ միջնորդությունը իրավունքի ուժով մտնում է ուժի մեջ:
Չեմ կարծում, որ նախագահը նման վարքագիծ կդևսևորի, ինչը հավասարազոր է դառնալ երկիրը դեպի կործանում տանող դահիճի սցենարի համահեղինակ:
Ինչևէ, առաջիկա ժամերի ընթացքում ականատես կլինենք, թե ինչ որոշում կընդունի Արմեն Սարգսյանը»: