Հակակորոնավիրուսասյին պատվաստանյութի ավելի քան 1000 չափաբաժին է փչացել սառնարանի անսարքության պատճառով

Ճապոնիայում հետաքննություն է սկսվել COVID-19-ի դեմ պատվաստանյութերի ավելի քան 1000 չափաբաժնի սխալ պահպանության փաստով, երեքշաբթի օրը հաղորդել Է Japan Times ճապոնական թերթը՝ հղում անելով երկրի կառավարության ներկայացուցիչ Կացունոբա Կատոյին:
Pfizer/BioNTech-ի արտադրության պատվաստանյութերը, որոնք պետք է պահվեն -80-ից -60 ջերմաստիճանում, ոչ պիտանի են դարձել սառնարանի անսարքության պատճառով:
Կատոն նշել է, որ սառնարանի անսարքության հանգամանքները պարզվում են, ընկերությունը, որը տեղադրել է սառնարանները, հետաքննություն կանցկացնի և կզեկուցի այդ մասին:
Նա ասել է, որ կառավարությունն «արագ և պատշաճ կերպով» կարձագանքի՝ կախված հետաքննության արդյունքներից:
Ընդհանուր առմամաբ, փետրվարի վերջի դրությամբ Ճապոնիայում շուրջ 100 մասնագիտացված սառնարաններ են տեղադրվել COVID-19 պատվաստանյութերի պահպանման համար: