Երեքշաբթի, 19 մարտի, 2024 թ.
|
Ստեփանակերտում`   +4 °C

«Հայաստանը նորմալ երկիր դարձնելու համար պետք է դադարեցնել ռուսաստանյան հեռուստաընկերությունների հեռարձակումը»․ Նաիրի Բադալյան

«Հայաստանը նորմալ երկիր դարձնելու համար պետք է դադարեցնել ռուսաստանյան հեռուստաընկերությունների հեռարձակումը»․ Նաիրի Բադալյան
265
Շաբաթ, 06 մարտի, 2021 թ., 04:05

Քաղաքագետ Նաիրի Բադալյանը ֆեյբուքյան իր էջում գրել է. «Արևմուտքի և ընդհանրապես քաղաքակրթության ամենամեծ ու կարող եմ ասել, հիմնական թշնամին Հայաստանում տգիտությունն է։
Տգիտություն՝ ձևավորված սովետառուսական կիսակրթության ու դրա հաշվառմամբ մշակված ամենակեղտոտ պրոպագանդայի հիմքի վրա, որն իր օբյեկտ-մարդուն ու հասարակությանը տալիս է բացարձակապես խեղաթյուրված պատկերացումներ ոչ միայն աշխարհի ու նրանում ընթացող պրոցեսների, այլև հենց սեփական «ես»-ի մասին, ձևավորելով աշխարհում Ռուսաստանի տեղի, դերի ու հնարավորությունների, ինչպես նաև ամեն ռուսականի մասին գերուռճացված դրական պատկերացումներ, իսկ անհատական մակարդակում էլ՝ սեփական «ես»-ի՝ իբր խելացիության ու ամենագիտության պատրանք, որը գալիս է սովետի չափառից դուրս ոչ մի այլ բանի մասին ոչ մի իրական պատկերացում չունենալուց:
Հայաստանը նորմալ մարդկանց նորմալ երկիր դարձնելու համար, ապագաղութացման ու լուստրացիայի հետ միաժամանակ, նույնիսկ նրանցից առաջ էլ պետք է լինի ռուսաստանյան հեռուստաընկերությունների հեռարձակման դադարեցումը և ապա անմիջապես՝ լրջագույն կրթական ռեֆորմի իրականացումը:
Առանց ռուսական պրոպագանդիստական թույնից ազատման՝ ինքնամաքրում, ապագաղութացում ու ապաչեկիստացում շատ դժվար կլինի ապահովել»։