«Ինչո՞ւ Արմեն Սարգսյանը փոխեց կեցվածքը». Արա Զոհրաբյան

«Նախագահի կեցվածքից կարծես պարզ է դառնում, որ նա չի շտապում դիմել ՍԴ, իսկ այսօր վերջին օրն է, որ կարող է դիմել: Ստացվում է, որ ՀՀ նախագահն ընտրել է անգործության ճանապարհը, որի իրավունքը չունի»,- լրագրողների հետ զրույցում ասաց Փաստաբանների պալատի նախագահ Արա Զոհրաբյանը: «Եթե ՀՀ նախագահն այսօր չդիմեց ու մեզ թողեց բախտի քմահաճույքին, մենք՝ նախաձեռնողներս փորձելու ենք բացահայտել նախագահի վախերը՝ ինչի՞ց ելնելով է վախենում վարչապետից, ի՞նչն է խնդիրը, որ փոխեց կեցվածքը, արդյո՞ք իրենից կրկին քաղաքացիության մասին փաստաթուղթ ուզեցին»,- հավելել է Զոհրաբյանը: Նրա խոսքով՝ հարցի լուծման երկու ճանապարհ կա՝ կա՛մ վարչապետը հրաժարվում է առաջարկից, կա՛մ ՀՀ նախագահը դիմում է ՍԴ:

Հիշեցնենք՝ նախագահականի դիմաց հավաքված անձինք պահանջում են, որ Արմեն Սարգսյանը դիմի ՍԴ՝ ԶՈՒ ԳՇ պետին ազատելու վերաբերյալ վարչապետի առաջարկը Սահմանադրությանը հակասող ճանաչելու պահանջով։