«Բանակով ավելի շատ զբաղված կառավարություն ՀՀ պատմության ընթացքում չի եղել, ինչպես՝ այժմ». Արսեն Թորոսյան

ՀՀ կառավարության աշխատակազմի ղեկավար Արսեն Թորոսյանը Հանրային հեռուստաընկերության եթերում անդրադարձել է Գլխավոր շտաբի շուրջ ստեղված վերջին աղմկահարույց իրադարձություններին: Նրա խոսքով՝ ԳՇ-ի հետ կապված «իրավական թնջուկն ուղղակիորեն փոխկապակցված է ներքաղաքական գործընթացների հետ»:

«Եթե ներքաղաքական պրոցեսներ չլինեին և ԶՈՒ ներգրավվածությունը չլիներ այս ամեն ինչում, մենք նման բազմաէջանոց վերլուծություններ չէինք ունենա»,- ասաց Թորոսյանը:

Նա հայտարարեց, որ բանակը միշտ իրենց առաջնահերթությունների մեջ է եղել. «Դրա մասին են վկայում թե՛ կառավարության, թե՛ վարչապետի արած գործերը, այդ թվում՝ բազմաթիվ բարձրաստիճան զինվորական պաշտոնյաների թե՛ խրախուսումները, թե՛ առաջխաղացումները, թե՛ նշանակումները»,- ընդգծեց Փաշինյանի աշխատակազմի ղեկավարը:

Եթերի ընթացքում նա հայտարարեց՝ «Անհամեստություն թող չթվա, բայց բանակով ավելի շատ զբաղված կառավարություն Հայաստանի պատմության ընթացքում չի եղել»:

Մանրամասները՝ տեսանյութում: