«Վազգեն Մանուկյանը պետք է մեկուսացվի հասարակությունից»․ Ռուբեն Մեհրաբյան

«Հանուն Հանրապետության» կուսակցության ղեկավար մարմնի անդամ, քաղաքական մեկնաբան Ռուբեն Մեհրաբյանը «Ֆակտոր»-ի եթերում կարծիք է հայտնել, որ «Հայրենիքի փրկության շարժման» վարչապետի թեկնածու Վազգեն Մանուկյանը «պետք է մեկուսացվի, քանի որ բազմիցս վտանգավոր հայտարարություններ է արել»:

«Նա պետք է մեկուսացվի հասարակությունից։ Դա քաղաքական հալածանք չէ, տեռորի կոչեր անելն ընդդիմադիր գործունեությո՞ւն է։ Ուրեմն՝ այդ անձը, որ նաև Նաիրի Հունանյանի քաղաքական հայրիկն է, պետք է զրկվի տեռորի կոչեր անելու հետագա հնարավորություններից։ Հարուցված է քրեական գործ, որը պետք է հասնի տրամաբանական ավարտին»,- ասել է նա:

Հիշեցնենք՝ Վազգեն Մանուկյանին մեղադրանք է առաջադրվել Քրեական օրենսգրքի 301-րդ հոդվածով, նրա կողմնակիցները, պդնում են՝ «դա քաղաքական հալածանք է»:

Մանրամասները՝ տեսանյութում: