«Ավելի լավ, թող սրացումներ լինեն. оно того стоит». Վազգեն Մանուկյան

«Հայրենիքի փրկության շարժման» վարչապետի թեկնածու Վազգեն Մանուկյանն այսօր՝ լրագրողների հետ զրույցի ժամանակ հայտարարեց, որ Նիկոլ Փաշինյանի ղեկավարությամբ ընտրությունների անցկացմանը համաձայնելը կնշանակի լեգիտիմացնել նրա գործողությունները, ընդհուպ՝ պետությանը պարտության տանելը:

Անդրադառանալով ոստիկանների և ակցիայի մասնակիցների միջև հնարավոր բախումներին և իրավիճակի հնարավոր սրացումներին՝ Մանուկյանն ասաց. «Ռուսերեն ասում են՝ оно того стоит: Սրացումներ են լինելու, ավելի լավ, թող սրացումներ լինեն, միայն թե հարցը լուծվի: Ինձ ուրիշ սրացում է վախեցնում, ինձ, իսկապես, շատ սարսափացնում է այն սրացումը, որը տեղի է ունենում Սյունիքի շուրջը, ու այն ձգտումը Ալիևի, որը հասկանում է՝ էսօր Նիկոլը կա, վաղը չի լինի ու Նիկոլի օրոք հնարավոր է անել այն, ինչը հնարավոր չի անել իրենից հետո: Այդ սրացումն է ինձ վտանգավոր թվում: Իսկ ներքին սրացումները... սրացումը գնում է հայրենիքը դավաճանողների, թշնամիներին ծառայողների և երկրին նվիրված մարդկանց մեջ... Եթե իրանք գնում են սրացման, իրանք կստանան սրացում»: