Զինվորի մարմինը դեռ բեկորների մեջ է, բայց նրան հրաժարվում են որևէ օգնություն տրամադրել. Անդրանիկ Պողոսյանի նոր տեսաուղերձը

Գյումրեցի սպա Անդրանիկ Պողոսյանն, ով նախկինում սկանդալային տեսահոլովակ էր հրապարակել զինվորների կեցության անմխիթար պայմանների մասին և որը իշխանության պարտադրանքով ավելի ուշ հեռացրել էր, նոր տեսաուղերձ է հրապարակել: «Մարդիկ, որոնք պիտի զբաղվեն բանակի խնդիրներով, չգիտես ինչով են զբաղվում: Մեր բանակը գլորվում է դեպի անդունդը: Իմ մարտական ընկերն, ում մարմինն ականի պայթյունից ամբողջովին բեկորների մեջ է եղել, մարդկային քայլ է արել, որոշել է գնալ տանը շարունակել բուժումը՝ ավելի ծանր հիվանդների համար հիվանդանոցային մահճակալ ազատելով: Այժմ նրան մերժում են տրամադրել օգնություն՝ պատճառաբանելով, որ ինքն ստացիոնար բուժում չի ստացել: Այնինչ մինչ օրս նրա մարմինը բեկորների մեջ է: Մարդուն ոչ կարգ են տալիս, ոչ էլ կարող է հետագայում ինչ-որ տեղ աշխատել»,- պատմել է նա: