ԵՄ-ն ցանկանում է «Սպուտնիկ V»-ի շուրջ բանակցություններ սկսել ՌԴ-ի հետ. #Reuters

Եվրոմիությունը մտադիր է բանակցություններ սկսել ռուսական «Սպուտնիկ V» պատվաստանյութի գնման շուրջ, հայտնում է Reuters-ը՝ հղում անելով իր աղբյուրներին։

ԵՄ-ի պաշտոնական ներկայացուցիչը, ով բանակցություններ է վարում պատվաստանյութեր արտադրողների հետ, հայտարարել է, որ եվրոպական երկրների կառավարությունները քննարկում են «Սպուտնիկ V» պատվաստանյութի մշակողների հետ երկխոսություն սկսելու հնարավորությունը: Գործընթացը սկսելու համար անհրաժեշտ է, որպեսզի Եվրոմիության 4 երկիր այդ մասին հարցում ներկայացնի: