«Ռուսաստանի դեմ ճնշման մի քանի ճակատ է բացվելու». Արմեն Վարդանյան

Քաղաքագետ Արմեն Վարդանյանը ֆեյսբուքյան իր էջում գրել է. «Ակնհայտ է, որ Բայդենի կառավարման տարիներին ԱՄՆ-ը Ռուսաստանի հանդեպ վարելու է «անկյուն մղելու»,«ճզման» քաղաքականություն։ Ռուսաստանի հանդեպ Բայդենի վարչակազմը արդեն իսկ մի քանի պատժամիջոցներ է սահմանել ու ապագայում ավելացնելու է դրանց թիվը։ Միևնույն ժամանակ, վերջին օրերին Թուրքիան է նոր զորքեր ուղարկել Սիրիա ու չի բացառվում, որ մոտակա ժամանակներս ռուս-թուրքական Proxy պատերազմ տեղի ունենա Սիրիայում։ Դրան գումարած, վերջին ամիսներին Ուկրաինան է լրջորեն պատրաստվում իր երկրի արևելքում ռազմական գործողությունների, անընդհատ նոր զինատեսակներ է գնում, այդ թվում նաև՝ թուրքական Բայրաքթարներ ու Ռուսաստանի համար ևս մի նոր գլխացավանք է առաջանալու Դոնբասում։ Արդեն իսկ մի քանի անգամ բախումներ են տեղի ունեցել և երկուստեք զոհեր են եղել Դոնբասում: Ակնհայտ է, որ Ռուսաստանի դեմ ճնշման մի քանի ճակատ է բացվելու ու տեսանելի ապագայում որևէ հնարավորություն չկա, որ Ռուսաստանը հզորանա, անընդհատ ավելի է թուլանալու։ Մենք պետք է արագ վերականգնվենք մեզ հետ տեղի ունեցած աղետից հետո ու պատրաստ լինենք բոլոր հնարավոր զարգացումներին»։