Հինգշաբթի, 19 նոյեմբերի, 2026 թ.
|
Ստեփանակերտում`   +8 °C

Հատուկ քննչական ծառայությունը կլուծարվի

Հատուկ քննչական ծառայությունը կլուծարվի
295
Հինգշաբթի, 18 մարտի, 2021 թ., 16:54

ԱԺ պետական-իրավական հարցերի մշտական հանձնաժողովը մարտի 18-ի նիստում երկրորդ ընթերցմամբ քննարկեց «Հակակոռուպցիոն կոմիտեի մասին» և կից մի շարք օրենքներում փոփոխություններ ու լրացումներ նախատեսող օրենսդրական փաթեթը:

Առաջինից երկրորդ ընթերցման ընթացքում կատարված փոփոխությունները ներկայացրեց ՀՀ արդարադատության նախարար Ռուստամ Բադասյանը: Օպերատիվ-հետախուզական գործառույթներ իրականացնող անձանց կարգավիճակի հետ կապված սահմանվում է Հակակոռուպցիոն կոմիտեում ծառայության տեսակ: Վերանայվել են Հակակոռուպցիոն կոմիտեի ծառայողների պաշտոնների խմբերը և ներկայացվող պահանջները:

Հակակոռուպցիոն կոմիտեի նախագահի՝ Մրցութային խորհրդի առաջարկած երեք թեկնածուներից մեկին նշանակելու է Կառավարությունը. նախկինում նշանակելու էր վարչապետը: Կլուծարվի Հատուկ քննչական ծառայությունը: Ամբողջությամբ վերանայվել են «Հակակոռուպցիոն կոմիտեի մասին» օրենքի նախագծի անցումային դրույթները:

«Լուսավոր Հայաստան» խմբակցության ներկայացրած առաջարկների հիման վրա մի շարք հոդվածներ ևս լրամշակվել են:

Օրենսդրական փաթեթն արժանացավ հանձնաժողովի դրական եզրակացությանը: