Ուրբաթ, 22 սեպտեմբերի, 2023 թ.
|
Ստեփանակերտում`   +19 °C

«Հուսով եմ՝ նախարարը ոչ միայն պաշտոնանկ կարվի, այլև կստանա իր գործողություններին արժանի պատիժը». Գևորգ Թոսունյան

«Հուսով եմ՝ նախարարը ոչ միայն պաշտոնանկ կարվի, այլև կստանա իր գործողություններին արժանի պատիժը». Գևորգ Թոսունյան
369
Հինգշաբթի, 18 մարտի, 2021 թ., 21:42

Նախարար Հակոբ Արշակյանն այսօր հարձակվել ու հարվածել է լրագրող Փայլակ Ֆահրադյանին։ Նման բան մեկ էլ հիշում եմ ձեր չսիրած նախկինների օրոք։ Հուսով եմ՝ նախարարը ոչ միայն պաշտոնանկ կարվի, այլ կստանա իր գործողություններին արժանի պատիժը։
Այս նույն նախարարը 2020-ի ամռան ռազմական գործողություններից հետո հայտարարում էր գերատեսչության կողմից հայկական արտադրության հարվածային ԱԹՍ-ների մասին, բայց 44-օրյա պատերազմի ընթացքում միայն մեկ նման ԱԹՍ կիրառեցին (ինչպես պարզվում է տեսագրությունից), պատերազմից հետո էլ հայտնի դարձավ, որ հարվածային ԱԹՍ-ներն անգամ փորձարկում չեն անցել։ Իմ տեղեկություններով՝ հարվածային ԱԹՍ-ները պահեստից չեն հանել, հենց այդ պատճառով։ Նույն պատերազմի ժամանակ ռազմաճակատում Կռունկ հետախուզական ԱԹՍ-ների փոխարեն եղել են ռուսական արտադրության ԱԹՍ-ներ, իսկ որոշ դեպքերում սովորական դրոններ։ Միգուցե այս նախարարի դեպքում պաշտոնանկությունը քի՞չ լինի։
Ինչքան էլ դուք սիրեք կամ չսիրեք այս կամ այն լրագրողին, բռնությունն անընդունելի ա, չդատապարտել՝ նշանակում ա դավաճանել այն սկզբունքներին, որոնք որդեգրել եք 2018-ի հեղափոխության ժամանակ։ Չդատապարտել ու չշտկվել նշանակում ա նմանվել նախկիններին՝ «ծնելով» նոր «Թոխմախի Մհերներ», «Սուրիկ Խաչատրյաններ»»։