«Բացառված չէ, որ ծախսատար և ժամանակատար ընտրություններն արժանան «Հանրաքվեին՝ այո»-ի ճակատագրին»․ Կնյազ Սարոյան

ԱԺ աշխատակազմի լրատվության և հանրության հետ կապերի վարչության նախկին ղեկավար Կնյազ Սարոյանը գրել է. «Քանի որ հունիս ամիսը հետայսու բոլորդ հիշելու եք որպես արտահերթ ընտրությունների ամիս, ապա խորհուրդ եմ տալիս չմոռանալ, որ հունիսն այն ամիսն է, երբ ավարտվելու է նոյեմբերի 9-ից հետո Նիկոլ Փաշինյանի ներկայացրած վեց ամսյա ճանապարհային քարտեզը:
Եվ քանի որ բոլորդ գիտեք՝ այդ ճանապարհային քարտեզի կետերը «հրաշալիորեն» իրագործվում են, ապա խիստ ցանկալի է, որ նախընտրական ակնոցների տեսադաշտից այդ ճանապարհային քարտեզը բաց չթողնվի: Որովհետև, եթե ամեն ինչ «հրաշալի եղավ», ապա բացառված չէ, որ ծախսատար և ժամանակատար ընտրություններն արժանան «Հանրաքվեին՝ այո»-ի ճակատագրին»: