«Դատավարական այդպիսի խախտումներով գույքի վրա կալանք դնելու որոշում ես չեմ տեսել». Սերժ Սարգսյանի պաշտպան

Լրագրողների հետ զրույցում ՀՀ երրորդ նախագահ Սերժ Սարգսյանի պաշտպան Ռուբեն Հակոբյանն ասաց, որ դատավարական խախտումներով գույքի վրա կալանք դնելու որոշում ինքը չի տեսել. «Պետք է լինեն հիմքեր, նպատակներ և պետք է ապահովվեն դատավարական երաշխիքները։ Մեր խորին համոզմամբ քրեական հետապնդման մարմինները գույքի վրա կալանք դնելու որոշումը կայացրել են դրա հիմքերի իսպառ բացակայությամբ, նպատակների բացակայության պայմաններում և խախտվել է դատավարական ընթացակարգը»:

Հիշեցնենք՝ դատարանն այսօր հրապարակել է Սերժ Սարգսյանի գույքը կալանքից ազատելու՝ պաշտպանների միջնորդության վերաբերյալ որոշումը՝ մերժելով այն: