«Թուլանան այս դատական համակարգը ձևավորողների թևերը»․ Ստյոպա Սաֆարյան

Հանրային խորհրդի նախագահ Ստյոպա Սաֆարյանը ֆեյսբուքյան իր էջում գրել է. «Տիեզերական դատավորը մոռացել է դատական ակտի եզրափակիչ մասի կատարման ենթակա մաս գրել։ Արդարադատության ակադեմիայում դասը լավ չեն սովորեցրել, բայց դատավոր են նշանակել․․․ Չի իմացել, որ նման դատական ակտերը պարտավոր են համապատասխանել «Դատական ակտերի հարկադիր կատարման մասին» ՀՀ օրենքի 21-րդ հոդվածի 1-ին մասի պահանջներին․․․
Կհիշեք, որ դատալեքսի համակարգում այս վարույթին առնչվող պաշտոնական տեղեկությունների շարքում «պարտադիր կատարման ենթակա» տողի դիմաց գրել էին՝ «Ոչ», ինչին ինքս տարակուսանքով անդրադարձել էի․․․
Հիմա հարկադիր կատարման ծառայությունը «կասեցրել է» տիեզերական դատավորի տիեզերական դատական ակտը, թեպետ այն տիեզերական էր ոչ թե այս «բացթողման» համար, այլ Սահմանադրության հոդվածների ուղիղ ազդեցությունը կասեցնելու աննախադեպ «խիզախ» քայլով․․․
Ու դուք ուզում եք այսպիսի դատական համակարգով արդարադատությո՞ւն ապահովվի ժողովրդի և պետության համար․․․
Նորից եմ ասում՝ թուլանան այս դատական համակարգը ձևավորողների թևերը․․․
Հիմա այս դատավորները մնալո՞ւ են համակարգում, հարգելի՛ իշխանություններ»։