«Բախտորոշ փուլը ձախողելուց հետո Հայաստանը դառնալու է Բաբելոնի կամ Ասորեստանի բախտակիցը». Արշալույս Զուրաբյան

Պատմաբան Արշալույս Զուրաբյանը ֆեյսբուքյան իր էջում գրել է. «Մեր ներկայի ու ապագայի վրա կախված ռուս-թրքական մահաբեր վտանգը Հայաստանը վերջնականապես կարող է կործանել միայն մեր լիակատար անձնատվության դեպքում։ Վարչակարգը, որի գաղափարական տեսությունը հիմնված է անվերապահ անձնատվության սկզբունքի վրա, բարոյապես ծնկի բերված ու նվաստացված զանգվածին առավել անկաշկանդ ներարկելու է հին թույնը, թե գոյատևման այլընտրանք չկա, քան «փրկության միակ ուղին»՝ Ռուսաստանը։ Հայաստանն ապրում է իր պատմության ամենաբախտորոշ փուլերից մեկը, որը ձախողելու դեպքում դառնալու է Բաբելոնի ու Ասորեստանի բախտակիցը։ Հայաստանը վաղուց անցել է քաղաքական անձնատվության սահմանագիծը»: