Ժամկետայինների ծնողները հայտնեցին, որ բավարարված են վարչապետի հետ հանդիպումից

«Փոխհամաձայնությունը կա, բոլոր խնդիրներն ունեն իրենց լուծման ժամանակահատվածները»,- դուրս գալով Կառավարության շենքից՝ ասացին Արցախում ծառայող ժամկետայինների ծնողները՝ նշելով, որ բավարարված են վարչապետի հետ հանդիպումից։

Հիշեցնենք, որ այսօր Կառավարության մոտ բողոքի ակցիա էին իրականացնում Արցախում ծառայող ժամկետայինների ծնողները՝ պահանջելով փոփոխություն մտցնել օրենքում՝ կա՛մ կրճատել պատերազմին մասնակացած իրենց որդիների ծառայության ժամկետը, կա՛մ նրանց տեղափոխել Հայաստանի զորամասեր։