Ուրբաթ, 22 սեպտեմբերի, 2023 թ.
|
Ստեփանակերտում`   +16 °C

«Կարևորը եկեղեցին շքեղ լինի՝ թքած, թե ինչ է քրիստոնեությունը»․ Ռուբիկ Ղահրաման Մոնասյան

«Կարևորը եկեղեցին շքեղ լինի՝ թքած, թե ինչ է քրիստոնեությունը»․ Ռուբիկ Ղահրաման Մոնասյան
207
Երեքշաբթի, 23 մարտի, 2021 թ., 03:03

«Իրանահայեր» կայքի գլխավոր խմբագիր Ռուբիկ Ղահրաման Մոնասյանը ֆեյսբուքյան իր էջում գրել է. «Ձևի և բովանդակության միջև միշտ ձևը ընտրող ազգ ենք եղել։
Կարևորը եկեղեցին շքեղ լինի, մեծ լինի, 1001 հատ լինի, թքած, թե ինչ է քրիստոնեությունը։
Դպրոցը կենտրոնում լինի, շքեղ տեսք ունենա, թքած, թե ով է դասավանդում, կամ ինչ որակով են դասավանդում։
Համալսարանական կրթության հավաստագիր լինի, թքած, թե ինչ մասնագիտության հավաստագիր կլինի․․․
Այս ցանկը կարելի է շարունակել շատ երկար, թերևս այս է պատճառը, որ Գլաձորի համալսարանն այսօր չկա, Դատաստանագիրքը կարելի է գտնել միայն թանգարաններում, իսկ բնակարաններում գտնվող Նարեկը կամ Աստվածաշունչը գնված օրվանից չեն կարդացվել, բայց կարևորը, որ տանն ունենք, չէ՞։
Նույնն էլ քաղաքական դաշտում է․ մենք մեր «պաշտած» կուսակցությունների ծրագիրը կամ կանոնագիրը չենք կարդացել, բայց անունը լսելուց, եթե զգաստ չենք կանգնում, առնվազն փշաքաղվում ենք։
Այ, այսպես էլ ձևի հետևից ընկած՝ քարշ ենք եկել դարերով ու եթե ուշքի չգանք, երկար քարշ գալու ժամանակ չենք ունենալու»։