«Սկսվելու են առեղծվածային սպանությունները». Արա Սահակյան

«Փաշինյանը պետք է հեռանա, ես կոչ եմ անում նրան ու նրա շրջապատին հեռանալ, որպեսզի հնարավորություն տրվի Հայաստանին շտկվելու և զարգացման ճանապարհ ընտրելու»,- «168 ժամ»-ի եթերում հայտարարել է «Հայրենիք» կուսակցության խորհրդի անդամ Արա Սահակյանը:

Ըստ նրա՝ Փաշինյանն ամեն ինչ անելու է, որ ընտրություններում հաղթի. «Ընտրությունները կեղծելու հնարավորություն ունի միայն իշխանությունը, և հետևաբար՝ իշխանությունը կեղծելու է։ Այն, որ հայտարարում է՝ ամսի 20-ին ընտրություն կանենք, և մարդկանց զբաղեցնում է՝ հրաժարական չտալով, դա կեղծիք է, այն, որ նստած Ընտրական օրենսգիրք են փոխում, դա կեղծիք է։ Ես ասում եմ՝ այդ մարդը Հայաստանում հաստատելու է դիկտատուրա, սկսվելու են այլախոհների հետապնդումները, առեղծվածային սպանությունները, այն, ինչ եղել է 1990-ականների կեսերին, նա՝ Փաշինյանը, իրականացնելու է իր իսկական, ճշմարիտ քաղաքական կնքահոր ծրագրերը. Հայաստանին դժբախտություններ են սպասվում»,- ասել է Սահակյանը:

Մանրամասները՝ տեսանյութում: