Հայկ Ալումյանը պարզաբանում է՝ ինչու բոյկոտեցին և դուրս եկան դահլիճից

Երևան քաղաքի ընդհանուր իրավասության դատարանը՝ դատավոր Աննա Դանիբեկյանի նախագահությամբ, Ռ. Քոչարյանի և մյուսների գործով այսօրվա նիստում որոշեց անցնել դատաքննության փուլին: ՀՀ երկրորդ նախագահ Ռոբերտ Քոչարյանի փաստաբանները լքեցին դատարանի դահլիճը: «Մենք ուզո՛ւմ ենք, որ դատաքննությունը սկսվի, բայց ոչ մի դեպքում չենք կարող թույլ տալ, որ էն միջնորդությունները, որ պետք է հիմա ներկայացնենք ու որոնք հնարավոր չէ դատաքննության ժամանակ ներկայացնել, որպեսզի դրանք քննվեն ու հիմա լուծվեն: Որովհետև օրենքով դրանց ներկայացման ժամանակը միայն էս ա: Իսկ իրանք չեն ուզում, որ միջնորդությունները ներկայացնենք»,- լրագրողների հետ զրույցում ասաց Հայկ Ալումյանը: