«Տեղաշարժ չունենք»․ փաստաբանը՝ ադրբեջանցուն սպանած հայի քրգործի վերաբերյալ

Փաստաբան Գարիկ Գալիկյանը ֆեյսբուքյան իր էջում գրել է․ «Արդեն 10 օր է ինչ մեր հայրենակից Արման Առաքելյանը տեղափոխվել է ՀՀ և գտնվում է ՀՀ ԱՆ «Նուբարաշեն» ՔԿՀ-ում։ Ըստ օրենքի՝ Արման Առաքելյանի դատավճիռը պետք է համապատասխանեցվի ՀՀ օրենսդրությանը, մինչ գործը դատարան հանձնելը՝ համապատասխանեցման համար պետք է թարգմանվի դատավճիռը սակայն այս 10 օրերի ընթացքում դեռևս տեղաշարժ չունենք։ Մի քանի տարբեր հարցումներ և գրություններ եմ ուղղարկել համապատասխան կառույցների։
Արման Առաքելյանի գործի հետ կապված մինչև շաբաթվա վերջ հանդես կգամ հայտարարությամբ, որում մանրամասն կտեղեկացնեմ մեր անելիքների և փոքր ինչ նաև սպասելիքների մասին։
Շնորհակալ ենք բոլոր այն մարդկանց ովքեր աջակցում են Արմանին»։

Հիշեցնենք՝ ՌԴ-ում հայկական ռեստորաններից մեկում վիճաբանության ժամանակ ադրբեջանցու սպանելու համար 18 տարվա ազատազրկման դատապարտված հայազգի Արման Առաքելյանը մարտի 14-ին տեղափոխվել է Հայաստան՝ հետագա պատիժը հայրենիքում կրելու համար։