«Ես իմ պարտականություններն էլ, իրավունքներն էլ շատ հստակ գիտեմ». Միրզոյանը՝ Գևորգյանին

Այսօր՝ ԱԺ նիստի ժամանակ, անկախ պատգամավոր Գոռ Գևորգյանը, անդրադառնալով ԱԺ-Կառավարություն երեկվա հարցուպատասխանին, ասաց. «Դուք խորհրդարանական պետության ԱԺ նախագահն եք, և ես ուզում եմ ձեզ հիշեցնել, որ դուք ոչ միայն ձեզ ծափահարող զանգվածի ԱԺ նախագահն եք, այլև այն զանգվածի, ովքեր ձեզ չեն ծափահարում և ուզում են՝ մի խումբ պատգամավորներ իրենց շահերն արտահայտեն, այս հարթակը բացառապես պիտի ծառայի բանավոր հարցուպատասխանի համար»,- դիմելով ԱԺ նախագահ Արարատ Միրզոյանին՝ ասաց պատգամավորը:
«Քանի դեռ ես պատգամավոր եմ և դուք ԱԺ նախագահ եք, պարտավոր եք հաշվի առնել բոլոր պատգամավորների շահերը»,- հավելեց նա:
«Հարգելի բարեկամ, ես իմ պարտականություններն էլ, իրավունքներն էլ շատ հստակ գիտեմ: Լսեցի ձեր հորդորները. մի մասը համարում եմ կառուցողական, մի մասն էլ... Թույլ տվեք ես որոշեմ, էլի»,- պատասխանեց Միրզոյանը: