Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Քոչարյանն ու ԲՀԿ-ն ո՞վ են, որ ինքնուրույն բան ասեն. ՌԴ-ի խրտվիլակներն են». Միքայել Հայրապետյան

«Քոչարյանն ու ԲՀԿ-ն ո՞վ են, որ ինքնուրույն բան ասեն. ՌԴ-ի խրտվիլակներն են». Միքայել Հայրապետյան
348
Երկուշաբթի, 29 մարտի, 2021 թ., 23:40

Պահպանողական կուսակցության ղեկավար Միքայել Հայրապետյանը «Ֆակտոր»-ի եթերում անդրադարձել է Հայաստանի ընդդիմադիր քաղաքական դաշտին՝ անվանելով նրանց «խրտվիլակներ»:

Ադրադառնալով փաստին, որ ԲՀԿ-ն արդեն հայտարարում է ՌԴ-ի հետ նոր ռազմաքաղաքական դաշինք կնքելու անհրաժեշտության մասին, իսկ Ռոբերտ Քոչարյանը խոսում է ՌԴ-ի հետ հարաբերությունները խորացնելու մասին, Մ. Հայրապետյանն ասել է. «Ոչ թե Ռոբերտ Քոչարյանը կամ «Բարգավաճ Հայաստանն» են ասում այդպիսի բան, այլ Մոսկվայից են ասել՝ «ասեք այդպիսի բան»։ Նրանք ո՞վ են, որ ինքնուրույն բան կարողանան ասել, խրտվիլակներ են պարզապես, Ռուսաստանի ստեղծած խրտվիլակներ։ Քաղաքական դաշտում որոշակի ազդեցություն ունեցող բոլոր ուժերը ռուսական ագենտուրա են։ Այստեղ կասկած լինել անգամ չի կարող։ Իրենք են ինքնառաջարկվում ՌԴ-ին, հրամանը ստանալիս կատարում են, հիմա մրցակցում են՝ որն ավելի լավ կկատարի հրամանները։ Մեկն ասում է՝ ՌԴ-ի հետ ավելի սերտ ինտեգրում, մյուսն ասում է՝ ինձ տվեք իշխանությունը, ես կպայքարեմ հակառուսության դեմ, այն դեպքում, որ լավ գիտի՝ Հայաստանում հակառուսականություն չկա և չի կարող լինել, որովհետև մենք «հակա» ժողովուրդ չենք։ Ակունքում արժեքներն են դրված, դրանից պիտի խոսենք, թե չէ՝ մի Քոչարյան էս կողմ, մի Քոչարյան՝ էն կողմ․․․ 11-րդ բանակն արդեն բերեցին Հայաստան՝ Ղազախի և Իջևանի կողմից, պարզապես փորձում է Կարմիր բանակն այստեղ ուժեղանալ, որովհետև տարածաշրջանում փորձություններ են սպասվում և ինքը Թուրքիայի հետ եղբայրություն է անում, պարտավորություն ունի և պետք է կատարի»,- ասել է բանախոսը:

Մանրամասները՝ տեսանյութում:

«Քոչարյանն ու ԲՀԿ-ն ո՞վ են, որ ինքնուրույն բան ասեն. ՌԴ-ի խրտվիլակներն են». Միքայել Հայրապետյան