«Արամ Մանուկյանը՝ աջարաբեթի ու վիվարոյի արանքում»․ Հայկ Դեմոյան

Հայոց ցեղասպանության թանգարան-ինստիտուտի նախկին տնօրեն, պատմական գիտությունների դոկտոր Հայկ Դեմոյանը ֆեյսբուքյան իր էջում գրել է. «Արամ Մանուկյանը աջարաբեթի ու վիվարոյի արանքում
Այս աղետի վերջը պետք է տալ։ Սկզբում մեզ պատերազմ պարտադրվեց, իսկ հիմա ողջ ազգին նստացնում են ղումարբազության ասեղի վրա։ Մայրաքաղաքի բոլոր կենտրոնական փողոցները, մետրոն, վճարման տերմինալները, համացանցը ողողված է վիվարոներով, տոտոներով ու աջարաբեթներով։
Չեմ չափազանցնում, սա ուղղակի մատաղ սերնդի հոգեբանական ցեղասպանություն է, որն իրականացնում ենք մեր իսկ ձեռքերով։
Երևանի քաղաքապետարան, ավագանի, վերջ տվեք այս բարոյահոգեբանական նախճիրին, մեղք են մեր երեխաները․․․
ՀԳ․ Ի դեպ, Աջարան դա Վրաստանի Աջարիա երկրամասի թուրքական անունն է։ Ստացվում է ՀՀ մայրաքաղաքում ամենուր թուրքական անունով բրենդ են գովազդում ու տարածում․․․
Դիմում եմ բոլոր ծնողներին․ եկեք մտածենք, թե ինչպես կարող ենք մեր զավակներուն հեռու պահել այս հոգեբանական ստրկությունից։ Արագ գործել է պետք․․․»։