«Հնարավոր է՝ ընտրությունները լինեն այլ օր կամ չլինեն». նախագահ

Ինչպես արդեն հայտնել ենք, ՀՀ նախագահ Արմեն Սարգսյանը հարցազրույց է տվել ռուսական РБК-ին: Երբ լրագրողը նախագահին ցանկացել է հարց տալ Հայաստանում հունիսի 20-ին անցկացվելիք խորհրդարանական ընտրությունների մասին, Սարգսյանն ընդհատել է ու ասել, որ, հնարավոր է՝ ընտրությունները լինեն այլ օր կամ չլինեն։

«Դեռ պետք է որոշակի գործընթաց լինի խորհրդարանում՝ վարչապետի հրաժարականը լինի, հետո այդ ամենը պետք է անցնի իմ սեղանով։ Այդ ժամանակ էլ նոր կորոշվի օրը: Ես հունիսի 20-ի վերաբերյալ դեռ ոչինչ չեմ ստորագրել։ Ու գուցե չստորագրեմ, այլ որոշումը ուղարկեմ Սահմանադրական դատարան», - պարզաբանել է նա:
Հիշեցնենք՝ ՀՀ վարչապետ Նիկոլ Փաշինյանը մարտի 18-ին հայտարարեց, որ Հայաստանի Հանրապետությունում խորհրդարանական արտահերթ ընտրություններ կանցկացվեն հունիսի 20-ին։