Հովիկ Աղազարյանը՝ Քարվաճառի վերաբերյալ իր աղմկահարույց հայտարարության մասին

«Իմ գործընկեր Թագուհի Թովմասյանի արտահայտած մտքի, ինչպես նաև մեր շատ հարենակիցների անհանգստության հետ կապված՝ ես կասեմ հետևյալը, որ էդ հայտնի հարցազրույցում Քարվաճառի վերաբերյալ հարցին անդրադարձել եմ էն և էս օրերին տիրող աշխարահաքաղաքական իրողությունների կոնտեքստում, և որևէ մեկը չի կարող իմ խոսքում գտնել նշույլ անգամ, որը կարող է տանել էն մտքին, թե ես կասկածի տակ եմ դնում Քարվաճառի հայկական պատկանելության հարցը»,- այսօր լրագրողների հետ ճեպազրույցում հայտարարեց «Իմ քայլը» խմբակցության պատգամավոր Հովիկ Աղազարյանը։ Լրագրողների ճշգրտող հարցին ի պատասախան, թե, ի վերջո, Քարվաճառը հայկակա՞ն է, Աղազարյանը պատասխանեց՝ իհարկե հայկական է: