«Մաքրվեք կառավարության տարածքից». Շիշ բռնողը կառավարության շենքում սպառնացել է գերիների հարազատներին

Նիկոլ Փաշինյանի կողմից կապիտուլյացիոն պայմանագրի ստորագրումից հետո գերի ընկած շիրակցի զիվորականների հարազատներն այս պահին կառավարության շենքի մոտ են և պատրաստվում են գիշերել այնտեղ այնքան մինչև իրենց զավակներին կվերադարձնեն:

Mediaport-ի տեղեկություններով՝ քիչ առաջ եղբոր՝ Փաշինյանի օգնական Նաիրի Սարգսյանի հետ կառավարության շենք է ժամանել Շիշ բռնողը, որը ներս է կանչել անհետ կորած զինվորներից մի քանիսի եղբայրներին և սպառնալիքներով պահանջել է «մաքրվել կառավարության տարածքից», սակայն նրանք անդրդվելի են մնացել: Ներկաների խոսքով՝ շիշ բռնողն ակնհայտ ոչ սթափ վիճակում է եղել:

Նշենք, որ գերիների ծնողներն օրերս փակել էին Շիրակի մարզպետարանի շենքի մուտքը՝ պահանջելով հրատապ կարգով վերադարձնել իրենց զավակներին: