«Մեր որդիների արյան գնով պահած հողն այսօր թշնամու ձեռքում է». քառօրյա պատերազմում զոհվածի մայր

«Երբ պատերազմ լինի ու մենք չկարողանանք դիմակայել թշնամուն, վիրավոր լինենք, վիրավորված լինի նաև հայրենիքը, բայց մեր մայրերի սիրտը շարունակի բաբախել, ուրեմն մենք դեռ հաղթելու տարբերակ ունենք»,- «Եռաբլուր» զինվորական պանթեոնում լրագրողների հետ զրույցում Ապրիլյան պատերազմի հերոս Բագրատ Ալեքսանյանի խոսքերը մեջբերեց մայրը: «Կարծում եմ՝ Բագրատի խոսքերը շատ խորիմաստ են ու արդիական»,- հավելեց նա: Անդրադառնալով 44-օրյա պատերազմին՝ ասաց, որ արյան գնով պահած հողն այսօր թշնամու ձեռքում է. «Վերջին պատերազմը շատ դաժան էր, ահավոր սարսափելի»: